2442/2022-2023
Lunglei the 27th October 2022 : Vawiin khan Lunglei Bawrhsap Pu Kulothungan A, IAS leh Chairman DTFI hovin District Task Force for Immunization thutkhawm a ni. Covid Vaccination, Routine Immunization leh Measles -Rubella Elimination chungchang thlirletna bakah hmalakna tur te rel a ni.

Pu Kulothungan A chuan Lunglei District in Covid Vaccine pekchuah kawngah hmalakna a that avangin Medical a thawktu te bakah VC te leh NGO hrang hrang te tawiawmna ah lawmthu a sawi a, hri hrang hrang danna vaccine pek kawngah erawh hmalak a ngaih thu a sawiin hri danna lak pawimawh na inrhilhriat tam a ngaih thu a sawi bawk.

Meeting ah hian Covid Vaccine ni 25.10. 2022 thleng pek dan thlirletna neiin kum 12-14 (Corbevax) inkar naupang vaccine pek zat tur target 6041 ah 1st dose 6250 (103.5%), 2nd dose 4539 (75.1%) a ni. Kum 15-18 inkar (Covaxin) vaccine pek zat tur target 7750 ah 1st dose 8492 (109.6%), 2nd dose 7387 (95.3%) niin kum 18 (Covishield) chunglam vaccine pek zat tur target 104897 ah 1st dose 104050 (99.2%), 2nd dose 95639 (91.2%) leh precaution dose 20842 (19.9%) vaccine pek zawng zawng hi 247199 a ni. Lunglei District chhunga routine immunization target naupang 2934 ah MR 1 ah 2263, MR 2 ah 2190 vaccine pek an ni, MR1, MR2 drop out -106% an awm tih tarlan a ni bawk.

Meeting ah hian Measles-Rubella hi India sorkar chuan kum 2023 chhunga umbo tura hmalak anih tur thu tarlan a ni. Lunglei District chhungah Vaccine Preventable Disease January - October, 2022 chhunga test neite chu APF 6, MR 52, Diphtheria 4 leh Pertusis 1 te an ni.

Lalruatfeli Ralte, Response team, WHO in WHO hmalakna hrang hrang  leh Mizoram dinhmun te sawina a nei bawk.