2441/2022-2023
Lunglei the 27th October, 2022 – School leh college zirlaiten election kaihnawih thil pawimawh an zirna tura Election Commission of India hmalakna Electoral Literacy Club (ELC) chu Lunglei District zirna inah te tha taka kalpui anih theihnawn vawiin khan Lunglei DC Conference Hall-ah Lunglei Dc & District Election Officer Pu Kulothungan A kaihhruaiin meeting neih a ni.

Meeting-ah hian Lunglei khawpui chhunga High School, Higher Secondary School leh College thlanchhuah hotute leh election kaihhnawih official-te an tel a. ELC thiltumte leh he hmalakna hi hlawhtling taka kalpui anih theihna tura hmalak tul hrang hrang te sawiho a ni.

Lunglei DC & DEO Pu Kulothungan A chuan Democracy chak leh hrisel tak kan neih zel theihna turin election chungchang, a bik takin electoral roll-a inziahluh leh vote thlak pawimawhnate kan thalaite uluk taka kan zirtir a tul a ni, a ti a. Zirna in hotu kalkhawmte chu he hmalakna a hlawhtlin ngei theihna turin thahnemngai taka hmalak puiah a sawm a ni.

Electoral Literacy Club hi school leh college-ah te din thin niin zirlaiten election chungchang an hmelhriat theihnan hemi kaihhnawih activity hrang hrang – awareness campaign, quiz, essay inziah siak, registration drive, debate te buatsaih thin a ni a. Lunglei District-ah pawh High School Higher Secondary School leh college ah te ELC hi din tawh niin thla leh November atanga neih tur Special Summary Revision of Electoral Rolls denchhenin District chhungah activity hrang hrang neih tum a ni.