Vawiin chawhnu dar 2:00 ah khan 34 Batch of GNM school of Nursing, Christian Hospital Serkawn a graduation day, 2009 programme hman a ni. He programme hi Dr.Lalramzauva,Medical Superentendent, CHS in a kaihruai a ni.

He programme hmanna a khuallian hi Pu S.Laldingliana, Parliamentary Secretary i/c Health & Family Welfare,etc. a ni. Thu sawiin Pu Dinga chuan hun pawimawh taka khuallian a sawm a nih avang leh a hun a hman theih avangin lawmthu a sawi a. Chubakah Mizoram chu Christian state kan ni a, hrisel tur leh thianghlim tur kan nih lai in kan hrisel lo hle hi pawi ka ti in kan fimkhur a ngai a ni,a ti. Kan state ah AIDS natna hluar ta lutuk te hi a ngaihmawh awm in kan zavai hian kan do tlan a ngai a ni a ti. India sawrkar leh Mizoran sawrkar pawhin hriselna hi a ngai pawimawh a, kan hrisel theih nan theih tawp a chhuah a ni,a ti. Kan M.P zahawm tak pawhin Central a Project pathum pawimawh tak a telh ah Serkawn a Nursing College a awm theih nan hma a lak thu a sawi bawk. Graduation thar te hnenal thuchah sawi in khawi hmun ah pawh awm in hna an thawh hunah khawtlang leh mipui te tan thawk a midang te tan malsawmna ni tur in a chah.Thalai an nih anga an vanglai a Pathian hre reng tur leh thil tha tih nan a hmang tangkai tur in a chah bawk.

Nursing School Serkawn atang hian kumtin mi 20 vel in graduation hi an zo thin a,tun tum ah pawh graduation thar te hnenal graduation Certificate khuallian hian a hlan bawk a ni.