Mizoram Hmeichhe Insuihkhawm Pawl (MHIP) General Hqrs. enkawl lai Hmangaihte Run, Zemabawk ami chu vawiin khan Social Welfare Minister Pu P.C.Lalthanliana’n a tlawh a, anmahni tanpui nan Rs.5000/- a hlan.
Pu Lalthanliana chuan mi chanhai leh tanpui ngaite enkawl kawnga MHIP leh Mizoram-a Tlawmngai Pawl hrang hrangte hnathawh chu Isua Krista zirtirna leh a rawngbawl hna chhunzawmna a ni, tiin Hmangaihte Run a tlawhna ah hian a sawi a. Mizoram-a Home leh Centre hrang hrang te tan sorkar chuan duh angin thil kalpui theilo mah se tun Plan chhunga hman turin sector allocation ah vaibelchhe khat ruahman a nih thu leh hei hi tun hma a la awm ngailo a nih thu Minister chuan a sawi a. Sethawn-a ruihhlo ngaite enkawlna Centre pawh engtianga hman tangkai zel tur nge tih sorkar-in a ngaihtuah mek thu leh he Centre tuai thar nan nuai 50 chu ruahman a ni bawk tih a sawi a. MHIP ten fahrah naupangte chenna tur Hmangaihte Run sakna tur an mamawh thu an lo thlen chu sorkar kum tharah ngaihtuah turin a ti bawk a ni. Minister hian Hmangaihte Run a tlawh hnuah Lungbial rama MHIP te hmun a tlawh nghal bawk.
Kum 2004 June a hawn tan, Hmangaihte Run-ah hian fahrah naupang enkawl lai mipa 4 leh hmeichhe 3 te chu thawktu mi 3 te nen an awm mek a. Heng naupangte hi school kal thei chin chu kaltir vek an niin anmahni enkawlna senso hi MHIP branch hrang hrangte thawhlawm tling khawm atanga phuhruk a ni ber a. MHIP President Pi Lalthlamuani chuan he Run enkawl nan hian Executive Committee member te chuan meeting an neih apiangin thawhlawm an keng khawm thin tih sawiin sorkar-in Anganwadi Centre atan a pawmsak tak avangin Mizoram sorkar chungah MHIP hmingin lawmthu a sawi.
Kum 2004 June a hawn tan, Hmangaihte Run-ah hian fahrah naupang enkawl lai mipa 4 leh hmeichhe 3 te chu thawktu mi 3 te nen an awm mek a. Heng naupangte hi school kal thei chin chu kaltir vek an niin anmahni enkawlna senso hi MHIP branch hrang hrangte thawhlawm tling khawm atanga phuhruk a ni ber a. MHIP President Pi Lalthlamuani chuan he Run enkawl nan hian Executive Committee member te chuan meeting an neih apiangin thawhlawm an keng khawm thin tih sawiin sorkar-in Anganwadi Centre atan a pawmsak tak avangin Mizoram sorkar chungah MHIP hmingin lawmthu a sawi.
Hmangaihte Run hi tum khata naupang 10 awm theihna tura duan niin tun thlenga naupang enakawl tawh zawng zawng zat chu 27 a ni a. Chung zinga 4 te chu dan ang thlapa adoption tihsak tawh an niin 8 te chu an chhungte hnena hlan let an ni a. Kum 6 chin hnuai lam awmna tura phalsak an nih angin kum over tawh vanga Home danga sawn naupang 8 an awm tawh a ni.
Hmangaihte Run tan hian Pi Lalremsiami Hmar, NEREFS chuan tui dah khawlna Sintex Litres 2000 dawng vawiin ah a pe bawk a ni.
Hmangaihte Run tan hian Pi Lalremsiami Hmar, NEREFS chuan tui dah khawlna Sintex Litres 2000 dawng vawiin ah a pe bawk a ni.
