August 8, 2009 khan Pu P.C. Zoramsangliana, Minister chuan Aizawl district Muay Thai Championship kharna hun Chaltlang Community Hall-ah a hmanpui. He huna thu tlemte sawiin Pu Zoramsangliana chuan, Sports-a tel naupang duhawm tak takten Isua ringtu kan ni tih hre reng rrawh u. Association pumpui pawh hi Isua Chanchin Tha hril nan hmang ang u,” a ti. Mizo naupangte hian nu leh pate thuawih a, zah nachang hre theuh tur leh an hnena lawmthu sawi fo turin a hrilh bawk. A sawi zelnaah Khuallian chuan, infiam mite chu ruihhlovin a tibuai tur a ni lova, ‘Lal Isua ka nei, min hruaitu atan,’ ti theuh turin a fuih bawk
Pu Zoramsangliana hian Muay Thai Association tanpui nan Rs 3000/- a pe a,PA Set an mamawh ema a hriat avangin pek a tiam bawk. He inelnaa naupang ber Kg 16 hnuai lama champion (kg 16-a rit) chu Rs 500/- pein, 2-na kg 13 mi chu Rs 100/- a pe nghe nghe a ni.
He Muay Thai Championship inkhawm hi Dr. C. Biakmawia, Vice Chairman-in a kaihruai a, Pu K. Hrangzuala, General Secretary-in Report a pe. Report-a a landanin Muay Thai Association hi 2004 khan din a ni a, player 24 chauh an ni. Mahse vawiinah chuan Aizawl District-a inelnaah Player 425 an tel thei tawh a ni, a ti. An thupui chu ‘ Catch Them Young’ a ni a, naupang te talent haichhuahsak hi an tum ber a ni. Muay Thai hian an din kum, 2004-ah National Approval an nei thei a, Mizorama Sports Authority-in an pawmpui hmaa National Approval an dawng thei pawh hi thil danglam tak a ni awm e.
He Muay Thai Championship inkhawm hi Dr. C. Biakmawia, Vice Chairman-in a kaihruai a, Pu K. Hrangzuala, General Secretary-in Report a pe. Report-a a landanin Muay Thai Association hi 2004 khan din a ni a, player 24 chauh an ni. Mahse vawiinah chuan Aizawl District-a inelnaah Player 425 an tel thei tawh a ni, a ti. An thupui chu ‘ Catch Them Young’ a ni a, naupang te talent haichhuahsak hi an tum ber a ni. Muay Thai hian an din kum, 2004-ah National Approval an nei thei a, Mizorama Sports Authority-in an pawmpui hmaa National Approval an dawng thei pawh hi thil danglam tak a ni awm e.
