Sawrkar laipui flagship Scheme pawimawh tak tak 7 te mipuite hnena a zau thei ang bera zirtirna leh hrilhhriatna Gram Swaraj Abhiyaan (Village Self-Governance Campaign) April Ni 14 atanga May Ni 5 chhunga neih tur Special Intervention pualin vawiin khan IPR Auditorium CHANEM Building, Champhaiah Campaign neih a ni. He hunah hian NITI AAYOG atanga lokal Dr S. Rajesh, Director (Health) leh Pu Thingom Lalit Kumar Singh, Under Secretary M/O Urban Development-te chu an rawn tel a ni.

He hun hi Champhai District Addl DC Pu Liansangzuala Chhakchhuak chuan kaihruaiin kalkhawmte lawmna thu a sawi a. Sawrkar laipui scheme-te chu a zau thei ang bera mipuite hrilhhriata zirtir a tul thu leh hemi tur hian campaign neih a nih thu a sawi a. Central sawrkar ruahmannain central scheme-te za a za thingtlanga tihhlawhtlin tum a nih thu a sawi a. Scheme rintlak funding pawh mumal tak anih avangin kan state ngeiah pawh kan chhawr tangkai ve angaih thu a sawi a. Campaign chhim tura kalkhawmte chu ngun taka scheme-te zirchinaga a hrelo leh dawng theite hrilhre zel turin a chah nghal bawk a ni.

Thu sawitu dang Dr SS Rajesh chuan Champhai District chu Centarl Scheme-te puanzarna atana Campaign-na tura thlan a ni chu a lawmpui thu a sawi a. Campaign hun kar thum chhungin thingtlang khuate tlawha mipuite nena inkawmna leh an hriatlohte zirtirna hun hman a nih tur thu a sawi a.  Nodal Officer theuhte chu khawtinte tlawha zirtirna pe thin turin a chah a. Sawrkar laipui scheme puanzar kawngah khua leh tui tin ten mawh kan phurh thu sawiin, heng Schemes 7 ah te hian Campaign chhung hian uar taka inzirtirna pek anih tur thu a sawi a. Campaign chuan mipuite hnenah a zau thei ang bera Scheme chungchang zirtir mai bakah Schemes in danglamna a hrinchhuahte zirchian a tum a ni, a ti a. NITI AAYOG chu mamawh leh zawh duh neite tan a in hawn reng thu a sawi bawk a ni.

Pu Pu Thingom Lalit Kumar Singh, Under Secretary M/O Urban Development chuan Central Schems pasarih: Pradhan Mantri Ujjwala Yojna (LPG Gas Connection BPL hmeichhiate tana Connection free-a pekna Scheme) ; Saubhagya (In zawng zawng electric eng pek vekna tur Scheme) ; Ujala Scheme (LED Bulb tlawm zawka pekchhuahna Scheme); Pradhan Mantri Jan Dhan Yojana (Bank Service mitinte neih theihna, Bank Account opening balance awmloa hawn theihna Scheme); Pradhan Mantri Jeevan Jyoti Bima Yojna (Life Insurance); Pradhan Mantri Suraksha Bima Yojana (Accident awm thei atanga Insurance tihna scheme) leh Mission Indradhanush (Hriselna atana hmalakna mission, naupang kum 2 hnuailam leh nu naupai tana vaccine lakna tur) te hmangin zirtirna mipui hnenah a pe a ni.  Pu R.Lalrinmawia, Customer Associate, SBI Champhai leh Pu Lalrindika, Manager Mizofed, Champhai-te pawhin an khawih schemes chungchangah zirtirna an pe bawk a ni. 

Pradhan Mantri Ujjwala Yojana (PMUY) hnuaiah hian Hmeithai, Gas Connection la nei ngailo BPL/AAY nibawkte tan a thlawna Gas Connection a neih a. Form fill-up a, document tulte thiltelin Gas Agency-ah  kalpui mai tur a ni. Pradhan Mantri Jan Dhan Yojana ( PMJDY) hnuaiah hian bank account zero balance-in document tulte kengin a hawn theih a, he account hian Accidental Insurance cheng nuai 1 a keng tel nghal a, Minimum balance a awm ve lo a, loan cheng 5000 a puk theih nghal a, hmeichhhiate duhsak an ni bawk a ni.

Pradhan Mantri Jeevan Jyoti Bima Yojna (PMJJBY) hnuaiah hian Life Insurance kum tin cheng 330 pein cheng nuai 2 insurance-a tih theih a. He scheme hi kum 18 atanga 50 inkar tan a tih theih a, kum 55 tlin thlengin a hman theih a ni. Pradhan Mantri Suraksha Bima Yojana (PMSBY) hmang hian Accident awm thei lakah Insurance-a tih theih a. Kum 18 atanga 70 inkar tan kum tin cheng 12 sengin insuramce cheng nuai 2 a dil theih a ni. Ujala Schem hnauiah hian LED light man tlawm zawka pekchuah a ni a, Bulb pakhat cheng 50 zel kum 3 chhung atana warranty pek a ni. 

NITI AYOG lam atang lokalte hian nimin khan Kelkang khua tlawhin khaw mite kawmna hun an nei a. Vawiin chawhnu khan Khuanglengah kal lehin khaw mipuite nen inkawmna hun an nei leh a, Central scheme a tam thei ang berin an hman ve theihna turin an campaign a ni. Naktuk lamah Hnahlan an tlawh leh anga hemi hnu hian BNRGSK Hall, Khawzawlah Campaign hi an nei zui leh dawn a ni.