1825/2023-2024

Vawiin khan Samagra Shiksha leh Agriculture Department hnuaia Project kalpui mek Green Ag ten Agriculture Department Director Office chamber-ah thawhdunna tur an ziak a, Agriculture Department aiawhin Director Pu James Lalsiamliana'n a ziak a, Samagra Shiksha aiawhin State Project Director Pu Lalhmachhuana'n a ziak.

He thawhdunna turah hian Lunglei leh Mamit District chhunga khaw 38-ah School-a Eco club te hnenah environment chungchang zirtir an ni ang a, zirlaite chu nungchate hlutna zirtir bakah neitu nihna thinlung an put theih nan zirtir an ni dawn a, hemi atan hian activities chi hrang hrang hman a ni dawn a ni. Green Ag project hi Global Environment Facilities (GEF) hnuaia kalpui a ni a, GEF ah hian ram changkangho hi sum thawhtu an ni a, dawngtu an ni thei bawk a, India hi chutiang zinga mi chu a ni a, a thawh bawk a, a dawng bawk a ni.

Pu James Lalsiamliana chuan an project kalpui mekah sorkar laipui duh dan zulzuia Samagra Shiksha nen thawhdunna an nei thei chu lawmawm a tih thu a sawi  a,  Dampa leh Thorang wildlife sanctuary huamchhung khuaah te hlawhtling taka an kalpui theih a beisei thu a sawi.