Vawiin chawhma dar 11 : 30 khan “Green Mizoram Day-2015” hman dan tur chungchang ngaihtuah in DC’s Conference Hall, Saiha-ah Pu N.Chakhai Additional Deputy Commissioner, Saiha District, Saiha hovin Meeting neih a ni.

Ni 11 June 2015 hi “Green Mizoram Day” anih angin Saiha-ah pawh Thingtiak uar taka phun nise tih rel a ni a, Thingtiak phun turte hi Mara Autonomous District Council-a Environment & Forest Department te lo ngaihtuah tur a rel a ni a,  11.6.2015 ah Thingtiak semna programme tawi C.E.M. Quarter a neih anih hnu ah Saiha khawpui chhunga department hrang hrang ten an ram chhunga an phun turin thingtiak te hi pek chhuah a ni ang. Khawpui chhung kawngpui dung ah te Mara Autonomous District Council-a Environment & Forest department ten thingtiak hi an phun anga, Police Department ram, Government Saiha College ram, B.D.O. Complex, K.V.K. Complex leh Government Higher Secondary School Complex ah te phun ani dawn a ni. Saiha khawpui chhunga department hrang hrang ten an ram chhunga phun turin Thingtiak te hi C.E.M. Quarter atanga lak tur a ni.

He meeting ah hian Saiha khawpui chhunga department hrang hrang hotu te, tlawmngaipawl hruaitu te leh chanchinbumi te an tel kim hle a ni.

Attachment

  • Loading attachment...