Green Mizoram Day 2017 chu vawiin khan Mamit ah pawh uar taka hman a ni. 

Green Mizoram Day pual inkhawm tawi hi Mangkhawngdai Field Mamitah neih a ni a, Pu Lalnunsanga Khawlhring DFO Mamit chuan kaihruaiin Pi Lalbiaksangi, District Bawrhsap chuan khuallian niin thu a sawi. 

Pi Lalbiaksangi, District Bawrhsap, Mamit chuan kan chenna khawvel lum chho zel tur venna tur tha ber  thing phun uar deuh deuh chu a tul hle a ni tiin chutihrual erawh chuan kan thing phun a nung ngei em tih kan chian chu a pawimawh lehzual a ni a ti. 

He inkhawm tawiah hian kum 2016 chhunga kangmei vengtha  District chhung khua atanga thlan thlan chhuahte 1 Suarhliap 2 na Lalen leh 3 na W. Bunghmun khua te hnenah lawmman sem a ni. 

Green Mizoram Day hnuaia hmalakna atang hian Mamit to bairabi inkarah kumtin thing tiak phun  niin heng zingah hian thingtiak 1910 te chu phun nun an ni tawh a ni, heng bakah hian District Forest Department ten Bairabi kai thleng Teak tiak phun a ni bawk. 

Kumin Green Mizoram Day thupuiah hian Thungphun la, tuihna siam rawh" tih chu hman niin sawrkar department hrang hrang leh Tlawmngai Pawl hrang hrangte chuan Mamit to Bairabi inkarah nikum lama thingtiak phun tawh samfai leh a nunglo phun thar nan hnatlan zui nghal a ni.                     

Green Mizoram Day 2017 pual hian Inspection Team din a ni a, an ni hian Department hrang hrangte leh tlawmngai pawlten thingtiak an phun an enkawl zuidan a hmunah an en fiah nghal a ni.