Nimin khan Chief Minister Pu Lal Thanhawla hovin Council of Ministers chu Chief Secretary Pisaa Conference Room-ah thukhawmin Cabinet meeting an nei a. Cabinet meeting ah hian thu ngaihtuah tur Agenda 26 chhawpchhuah a ni. 

Agenda chhawpchhuah zingah – The Mizoram Municipal Appellate Tribunal Rules, 2017 te; The Mizoram Areas Urban Rent Control Bill, 2017 te; The Mizoram Private Placement Agencies (Regulation) Rules, 2017 te; Directorate of Forensic Science Laboratory hnuaia post 5 siam rawtna te; The Mizoram Village Defense Organization (Amendment) Rules, 2017 te; The Mizoram Cooperative Societies (Amendment) Act, 2017 chhawpchhuah, sawiho hnua tlem tih danglam ta te; The Mizoram Civil Services (Combined Competitive Examination) (Amendment) Regulations, 2017 te; Direct Recruitment Quota mamawhna zirchiang tura din Committee rawtna te; The Mizoram Rural Roads Maintenance Policy, 2017 chungchang te; The Mizoram Roads Fund Rules, 2017 chungchang te; Bangla cheina chungchang te; The Mizoram Wood Based Industries (Establishment & Regulation) Rules, 2017 chungchang te; Forester  PB 1 + GP Rs. 2400 a awm mek post 20, Deputy Forest Ranger PB 2 + GP Rs. 4200 a hlankai (upgradation) te; Sawrkar Quarters VIP Cottage No. I & II  ram Bible Society of India (BSI), Aizawl Auxiliary atana pek chungchang te; Sawrkar College hrang hranga thawk mek Contract Assistant Professor mi 8 te dahnghehna atana The Govt. of Mizoram Regularization of Contract Employees Scheme, 2008 a bika ngaihhnathiam (special case) chungchang te chu Cabinet meeting ah hian pawm a ni a. Agenda chhawpchhuah bakah hian The Mizoram Urban Areas(Land Development, Landslide Prevention & Mitigation), Rules 2017 Additional Agenda atan pharh pawh sawiho hnuin pawm a ni a. Central Civil Services (Revised Pay) Rules, 2016, Mizoram Sawrkar hnathawkte pek (extend) chungchang pawh Cabinet meeting ah hian sawi niin he thil hi zirchian (further study) nise tiin thu dah a ni.