Vawiin khan Aizawl District Bawrhsap Pisa ah kumin July thla chhunga  Aizawl  District  a special drive kalpui dan tur sawihona leh inzirtirna neih a ni. 

Special Drive ah hian Aizawl  District chhunga khawsa, kum 18-21 inkar, Electoral Roll a lut thei, roll-a la chuang lo te tana Roll-a inthun theihna hun buatsaih a ni dawn a. He hunah hian  Roll a vote neilo te thun hna thawk tura ruat  Aizawl khaw chhunga College leh Higher Secondary School hrang hranga Campus Ambassador-te koh khawm an ni a; special enrolment drive chungchanga  hmalak dan tur zirtir an ni. 

College leh School-a  kum 18 - 21 inkar Roll-a lut thei la inthun lo te dap chhuah hna thawk tura ruat  Campus Ambassador-te chu Electoral Roll-a inthun dan leh form hman dante zirtir an ni a. Campus Ambassador-te chu Special Drive chungchang a zau thei ang bera an zirlai puite hnena puangzar turin leh form fill up thlenga roll a lut theite lo pui tura mawhphurhna pek  an ni a. An hnathawhna atana mamawh Form 6, BLO list, Pamphlets leh Poster te pawh pek nghal an ni.