Vawiin khan DC Conference Hall, Mamitah Green Mizoram Day, 2019 Mamit-a hmandan tur relin Dr. Lalrozama IAS, Mamit District Bawrhsap/Chairman District Level Green Mizoram Committee hova thutkhawm a ni.

Meeting kaihruaitu Dr. Lalrozama chuan kan chenna khawvel chuan a kum telin lum lam a pan mek zel a, a taka tawngtu theuh kan nih avangin kalkhawmte pawhin engemaw ti taka helam kawnga hmasawnna turin kan ngaihtuahna kan sen a hun takzet tawh a ni a ti.

Vawiin Meeting-ah hian Green Mizoram Day Ni tur State Level-in  a la rawn ruat loh avangin Sawrkar thu la nghah ni se tih a ni a, Green Mizoram Day inauguration Programme chu Nodal Department leh District Bawrhsap Office inberawnin lo ruat mai se tih a ni.

Meeting hian kumin Green Mizoram Day 2019-ah hian Mamit to Aizawl leh Mamit to Bawngva kawng NH 44A-ah thingtiak hi phun ni se tih a ni a, kumina thingtiak phunte hi Agency tin te'n enkawl zui kawngah nasa leh zualin mawh la se, Nodal Department te'n hetah hian ruahmanna lo siam se, Mamit District chhunga Aizawl panna kawngpuiah thingtiak hi an bialtu Range Officer-te ruahmanna-in phun ve ni se tih a ni bawk. Kumin Green Mizoram Day-ah hian kumdang ang bawkin Sawrkar Department, NGO, Institution te thingtiak phun turah Nodal Department te'n mawh lo la se tih a ni bawk.

Lalnunsanga Khawlhring DFO, Member Secretary, Mamit District Green Mizoram Committee, 2019 chuan Mamit District-in Green Mizoram Day a lo hman tawh dan hrang hrang a lem nen report kimchang tak pein Report atanga a lan dan hian Green Mizoram Day pual hian thingtiak 91585 phun a ni tawh a ni.

Meeting-ah hian Mamit District Green Mizoram Committee, 2019 Members-te an tel tha hle a ni.