No.915/2021-2022

Siaha; 11th June,2021: Ni 8/6/2021 a District Level Committee on Green Mizoram Day,Siaha in  a lo rel tawh angin,  Covid-19 hrileng avangin kumin GMD 2021 inaugural function chu hman a ni lo va, mahse kum danga lo tih thin angin Office leh tlawmngai Pawl hrang hrang ten an phun turin thingtiak  chi  hrang hrang chi 12,  a vaiin tiak 1062  MADC Forest Dept,MADC chuan a sem chhuak a ni.

GMD-2021 hriatreng nan,  Pu Kesavan R,IAS, DC & Chairman District  Level Committee on GMD, Pu F.Lawmkima,EM(Forest) MADC, Pu L.Pricilla,EM(Soil &Water Consevation) leh Pu N.Vabeiratlua,DIPRO  ten  MADC Complex-ah thingtiak pakhat theuh an phun.

MADC kawta  official ten thingtiak an phun zawh hian DC's Conference Hall-ah, kum 2020-2021  chhunga an khaw ramngaw  kangmei laka humhalh tha thingtlang khua pathum pathum (3) leh Fire Prevention chungchangah mipui hnena zirtirna thu ziak tha chanchinbu 3 thlanchhuah te hnenah lawmman semna hun hman a ni a, lawmman hi DC in a  sem a ni.

Thingtlang khua, kangmei laka an ramngaw humhalh tha te chu:

1st prize winner-  Amobyu B  niin, sumfai Rs.50,000/-  + Certificate hlan a  ni.
 2nd Prize Winner- New Laty khua niin, Rs.30,000/-  + Certificate  hlan a ni a.   3rd Prize Winner-Khopai khua hnenah sumfai Rs.20,000/-  leh Certificate hlan a ni bawk.

Chanchinbu te zingah:
1st Prize lawmman Rs.3000/- chu The Time of Maraland in a dawng  a.
2nd Prize  Rs.2000/- hi  Maraland  in dawngin, 3rd prize Rs.1000/- hi Moonlight in a dawng a ni.

Vawiin Lawmman semnaah thu sawiin,  Pu Kesavan chuan lawmman dawngtute a lawmpui thu sawiin, in lawmman dawn te hian nangmahniah chona thar siam se, kan zavai hian kan tu leh fa te tan kan ramngaw te humhalh turin tha thlah lovin i thawk chhunzawm  zel ang u, a ti.

Vawiin lawmman sem tak te hi Department of Environment,Forests and Climate change,GoM tum a ni.