946/2026-2027

Dated Hnahthial, the 11th June, 2026: Vawiin khan Green Mizoram Day 2026 chu Mizoram puman hman a ni a. Hemi pual hian Hnahthial District ah pawh hman ve niin "Thing hi rangkachak anga hlu, Nunna tinreng bul a ni" tih thupui a hmangin Hnahthial By Pass Road kawng sir hmun hrang hrangah thingphun hnatlang neih a ni. Hunserh tawi hman a ni a, Pi K. Vanlalruati, District Bawrhsap chu khuallian niin, Pu Henry Saplalrinliana, Senior Scientist & Head, KVK, Hnahthial in he hun hi a kaihruai. Green Mizoram Day 2026 pual hian Hnahthial District chhunga Sawrkar pisa hrang hranga te leh NGO hrang hrang ten thingtiak zahnih sawmriat panga (285) an phun.

Bawrhsap, Pi K.Vanlalruati chuan thu sawiin Kum 1998 atang khan Green Aizawl tiin he ni hi hman tan alo ni tawh a, zau zawk a hman chhunzawm zel a nih theih nan Kum 1999 khan Green Mizoram Day ti a thlak a nih thu a sawi a, Green Mizoram in a tum ber chu kawngkam, sorkar leh mimal hmun remchang lai apiang a thingphun a, Mizoram chu ram nuam taka siam a ni, chu mi tur chuan kum tin thingtiak tamtak district capital-ah leh district khaw hrang hrang ah te phun thin a ni a ti. Khuallian chuan kan thingphun te vil zui a, a puitling ngei theihna tura enkawl zui theuh turin a chah a, Green Mizoram Day 2026 thupui "Thing hi rangkachak anga hlu, Nunna tinreng bul a ni" tih chu a taka an chan ngei theih nan leh kan ram leilung ti mawi a ti hlawhtling turin mahni hma zawn theuh ah tan la a, kan tu leh fate tana chenna nuam zawk siam turin a sawm.

Pi Lawmnapari Working Plan Officer (South) Lunglei pawh in he hun hi hmanpuiin Mizoram in ramngaw kan neih that avangin sorkar laipuiin sum tam tak a pek belh thu a sawi a, heihi a chhan ber chu VC, YMA leh milmal tin ten rawmngaw kan humhalh that vang a ni a ti. Hun lo kal zel turah thingzai chu kan la mamawh zel tur a ni a, chumi tur chuan thingphun uar deuh deuh a, thing pakhat kan zai apiangin thing tiak dang pakhat tal phun belh zel a pawimawh thu a sawi a. Hnahthial chu khaw thenkhat te tih dang anga Eco Tourisam lama hma kan sawn theih nan, kan kawngkam hmun remchang lai apiangah thingkung par mawi chi te phun a, khualzin tamtak hip thei tura tan la turin a chah bawk.

Green Mizoram Day pual hian MHIP, MJA, MUP, VC Association, YMA Sub Headquarters leh Hnahthial Officers' Club (HOC) te chuan thing phun hnatlang an neih bawk.