947/2026-2027 

Dated Khawzawl 11th June 2026:  Vawiina Mizoram puma Green Mizoram Day 2026 hman mek chu Khawzawlah pawh hman a ni a.  hawnna inkhawm hi DC Confernce hall, Khawzawlah neih niin Chairman, District Level Committee on Green Mizoram Day leh Khawzawl District Bawrhsap nibawk Pu K Vanlalthiana  hova hman a ni

Green Mizoram Day hawnna inkhawm  hi Pu C. Pazawna, Chairman Khawzawl Joint VC in a kaihhruai a Khawzawl District Bawrhsap chuan thu sawiin, Green Mizoram Day. sorkarin hmang tura min tih avang chauh hmang kan ni lova, keimahni tan, kan tu leh fate tan kan hmang a ni a ti a, thing hi kan nunna hnar a nih angin keimahni tan thing kan phun dawn a ni a ti bawk.    Bawrhsap chuan bawlhhlawh sawngbawl dan thar tur chungchang pawh sawi langin Supreme Court chuan Solid Waste Management Rules, 2026 hman dan tur chungchangah ram pum huap thupek a tih chhuah angin bawlhhlawh hi chi li (4) ah then a ni thawh dawn a, hei hi Khawzawl district-ah kalpui thuai a nih tur thu sawiin head of office leh zirna in lama bul tan a ni dawn a, hemi hnu hian mipui lamah kalpui chhunzawm ve leh ang a ti bawk.

He hunah hian Member Secretary, Pu Lalnunthanga, DFO, hnen atangin report ngaihthlak a ni a, kumin chhunga kangmei venna lama titha khuate hnenah lawmman semna neih niin pawisa fai leh Citation hlan an ni a, 1st - Lungtan - Rs. 75,000/-, 2nd - Tualte - Rs. 50,000/-, 3rd - Rabung - Rs. 40,000/-, Tin Khaw pathum  Chalrang, Chhawrtui, Kawlkulh North te hnenah Consolation Prize cheng 10,000 leh Citation pek an ni bawk.Pu Rosiama, President, Sub-Hqrt in lawmthu sawiin a hawnna inkhawm hi a khar a ni. 

Hawnna inkhawm zawh hian National Highway (NH-6) Tuisen phai leh Tuichang inkar kawng sir ah thing phun nghal niin, Official te, Office hrang hrangte, NGO hrang hrang aiawhte bakah Khawzawl Higher Secondary School ten an phun a, thing tiak hi a vaiin 546 an phun a ni.