Vawiin chawhma dar 11:00 khan Pukpui Centenary lungphun ah Green Mizoram Day 2012 chu hman a ni a. DFO Pu Kawlhnuna’n inkhawm hi kaihruaiin Pu H.Lalthansanga, President, MJA chu khuallian ah hman a ni.

Khuallian chuan kan thingphun sa te uluk tak a enkawl ani tih mipui te hnen a in hrilh hriat a tha a mipui leh zin veivak te pawh in min humhalh sak a pawimawh a ni a ti. Thingphun ringawt ni lovin enkawl zui a tih putlin a pawimawh a ni a ti a. Kan ram ngaw te humhalh a kan enkawl zui hian Green Mizoram hi a hlawhtling ang a ti. Nikum 2011 a thingphun leh enkawl zui tha ber Power & Electricity Department E.E maintanance Division -I hnenah pawisa fai leh certificate hlanna MJA President in a nei a. He hun ah hian nikum lama thingphun sate hung that leh thlawhfai bakah thing tiak thar phun belh hna thawh a ni.