1058/2022-2023
Kolasib: Dated the 27th June, 2022: Tunlaiin Kolasib District huam chhungah Gutkha product lei leh hralh a hluar leh ta hle mai a, hei hian kum naupang zawkte leh tleirawl rualte hriselna a tichhia in harsatna nasa tak a thlen chho mek zel a, kan khawtlang nun a lo him a, a lo hrisel zawk theih nan heng Gutkha atanga siam (Gutkha products) chi reng reng hi mipui vantlang hriselna atan a him loh avangin Deputy Commissioner, Kolasib chuan a hnuaia mi ang hian thupek a chhuah.

1. Kolasib District huam chhungah dawrkai tumahin Gutkha product chi reng reng an zuarin an hralh tur a ni lo.

2. Gutkha product chi reng reng mi tumahin an leiin, eitur atan an kawl tur a ni lo.

He thupek hian chhuah a nih atanga ni 60 chhung a huam anga, dan bawhchhia an awm chuan Section 188 IPC hmangin hrem an ni ang.

He thupek hi vawiin ni sawmhnih pasarih, Nikir thla, sanghnih sawmhnih pahnih hian Court Seal nen nemnghetin hming a ziak hnan a ni.