Mizoram Science Technology & Innovation Council, Directorate of Science & Technology chuan Mizoram chhunga technology lam thil thar siamchhuaktu leh ngaihtuahchhuaktute tan intihsiakna, Indigenous Grassroot Technology & Innovation Competition (IGTI Competition) a buatsaih a, hetiang lama tuimi a duh a piang tan dilna form siam sa hmanga dil theih a ni.

Intihsiakna neih dan tur leh lawmman :-

1. Intihsiakna hi District wise a neih phawt a ni ang.

2. Category pahnihah then a ni a, hetiangin -

i) Prototype category : Technology lamathil thar siamchhuaktute inelna a ni ang.

ii) Idea category : Technology thar ngaihtuahchhuaktute inelna a ni ang.

3. District intihsiakna lawmman chu hetiang hi a ni ang.

i) Prototype category : 1st - Rs. 15,000/- ; 2nd - 10,000/- leh 3rd - 5,000/-

ii) Idea category : 1st - Rs. 5,000/- ; 2nd - 3,000/- leh 3rd - 2,000/-

4. Prototype category bikah District tin atanga ti thate atangin State Level lawmman dawng tur thlan chhuah an ni ang a, lawmman chu hetiang hi a ni ang :-

1st - Rs. 50,000/-; 2nd - Rs. 25,000/- leh 3rd - Rs. 12,000/-

Hrechiang duh emaw dil tumte chuan DC’s Office, Siaha-ah emaw I&PRO’s Office, Siaha-ah Office hun chhungin zawhfiah thei reng a ni.