Kumin November ni 2 atanga ni 6 inkarah hian Indian Army trade hrang hrang lak run pui buatsaih leh tur a ni a, Sipaia tan tum thalaite tan ngaihven ran tur a ni e.

General Duty Soldier leh Tradesman trade atana Serchhip District chhung atanga diltute tan November ni 2 hian Mualpui a Rajiv Gandhi Stadium ah Physical & Measurement & Document Test neih tur a ni ang. Technical/Staff/ Store Keeper etc trade a dil tute tan November ni 5 ah neih a ni ve thung ang.

Physical & Measurement leh Document a tling te tan November ni 6 ah Medical neih tur a ni ang. Kan sawi thin tawh angin kumin atang hian Sipai a tan tumte tan online veka dilna thehluh tur a nih tawh avangin dil tum leh Exam beih tum te chuan ngaihven ran tur a ni.

San zawng, rih zawng, awm len zawng, Document ken ngai, kum bithliah, Sport Quata a diltute tana hriat tur leh thil dang pawimawh chu Advertisement kimchangah a awm a. A hnuaia kan tarchhuahnaah hian en theih reng a ni ang.

Advertisement hi kimchang tak in Sub Headquarters YMA Office Notice Board, Serchhip Bazar ah te, Serchhip DC Office Notice Board ah leh District Information & Public Relations Office Notice Board ah te tar chhuah a ni.

Hriatchian duh nei tan 0389-2351518 leh 0389-2351166 ah te zawhfiah theih reng a ni bawk e.