501/2022-2023

May ni 13, 2022 (Zirtawp) zan dar 7: 30pm hian Mizo Students' Union (MSU) Federal Meeting 2022, Thingsai Community Hall-a neih chu Higher & Technical Education Minister, Dr.R.Lalthangliana chuan uaptu niin a hman pui.

Dr.R.Lalthangliana chuan MSU Federal Meeting chu Thingsaiah lo nghah awm reng nia a hriat thu sawiin, tlawm ve ngai lo Lalnuropuiliani, zaithiam leh hlaphuah thiam Lalsangzuali Sailo, Pu P.Rohmingthanga IAS, Pu M.Tumsanga Police lama kan mi larte leh mi hmingthang tam tak lo chhuahna a ni, a ti. Dr.Thangtea chuan, "Nationalism a taka nunpui duh tlattu ka ni ve a, Shillong-ah 1980 khan MSU dinin Founder President ka ni ve a. India sorkar leh MNF inep lai khan Tezpur Jail-ah Mizo nula dam chhung tang tura tih, rei tak lo tang tawh chu kan hmalakna Pathianin mal min sawm a, kan in la chhuak a ni. Hnam rilru kan put a, a taka kan hnam ziarang tihlan zel i tum ang u. Mizote hi la tlem hle mah i la, hnam dang tluk  lohin kan insiam thei a ni. Tih takzeta zirlaite hian hma kan lak chuan India ramah nasa takin kan inpho chhuak thei ang. Vai tih theih chu kan ti ve thei, All India Service lamah te nasa takin tan la thar ang u," a ti bawk.

Pu PC.Lalremkunga Thingsai VCP, Pu Lalhmachhuana Zofa, Adviser MSU, Pu J.Lalmuanzuala, President, MSU General Headquarters pawhin thu an sawi.

He hun hi Pu Samuel Zoramthanpuia General Secretary, MSU General Headquarters chuan kaihruaiin, Pu V.Lalzuithanga UPC (M) chuan hunserh a hmang a. Zodinsanga Financial Secretary, MSU General Headquarters chuan lawmthu sawiin hun a khar.

Attachment

  • Loading attachment...