Vawiin khan Higher and Technical Education Minister Pu Lalsawta chuan Govt Hrangbana College leh Education Department, Mizoram University te buatsaih "Research Methodology and Preparation of Proposal" tih thupui hmanga zirhona chu Golden Hall, Hrangbana College ah a hawng.

Pu Lalsawta chuan Research beitute chu mithiam bik, zirlai te leh Mizoram in kan mamawh an ni a ti a. Mizoram hi ziak leh chhiar thiam tamna nimahse chhawrtlak a thiamna ril tak nei kan tam em tih hi kan inbihchian a ngai a ni a ti. Kan ram a zirna siamtha tur chuan Primary School atanga University zirna sang ber thleng hian siam that a pawimawh thu a sawi a. Phailamah mi neinungten an fate zirna school tha ah an dah a, chutiang ti thei ve lo te tan mithiam bik Mizo ni kher lo te pawh Mizoram School leh College te hian kan mamawh a ni a ti a. Mizoram University zirtirtu atan pawh a thiam leh tha apiang, hnam vanga inthliarna awm lo va lak hi sorkar duh dan a nih thu a sawi.

He Workshop ni thum awh tur hawnna inkhawmah hian Pu K Liantuala, Principal Hrangbana College chu Chairman niin keynote address Prof. R.P. Vadhera, Dean, School of Education and Humanities, MZU chuan a pe a. Director Higher and Technical Education, Professor, Asst Professor te leh Research Scholar te bakah zirlai thenkhatte he inkhawmah hian an tel a ni

Attachment