Malaysia International Youth Programme-a tel turin Govt. Zirtiri Residential Science College-a NSS Volunteer Rebecca Lalhruaitluangi d/o VL. Roluahtuma, Durtlang chu thlan a ni. Ni.8.5.2009 hian thlawhtheih nain New Delhi a pan ang a, ni 12.5.2009 hian Malaysia panin an chhuak ang. Zinna senso zawng zawng, thlawhna chuan man telin Ministry of Youth Affairs & Sports, Government of India-in a tum vek dawn a ni. Hei hi International Youth Programme-ah Mizoram NSS a tel vawi khatna a ni.
Ministry senso bawkin Serchhip College leh Serchhip Higher Secondary School naupang 22 leh NSS Programme Officer 2 te chu tunah hian Adventure Programme neiin Darjiling-ah an awm mek bawk. He Adventure Programme hi ni 5 - 16.5.2009 chhung neih tur a ni. June thla chhungin India ram pum huap NSS Volunteers Summer Mega Camp neih a ni dawn bawk a, hetah pawh hian Mizoram hi tel tura sawm a ni.
