Lawngtlaia cham mek Pu H.Zothangliana, Parliamentary Secretary, Revenue, etc. chuan nimin tlai khan District Hospital Lawngtlai Building sak mek a tlawh.

Pu H. Zothangliana chuan Building sak mek chu kum 2007 a Rastrya Sam Vikas Yojona (RSVY) atanga bultan a nih thu sawiin, cheng nuai 200 ruahman a ni a, State PWD kut ah dah a ni, hun engemaw chen building sak hna a khaihlak hnuah Health Minister chawlta Pu Lal Thanzara leh Chief Minister Pu Lal Thanhawla te hmalakna in chhunzawm chhoh leh a ni a, khum 50 awmna tura ruahman phawt ni mah se Chief Minister hmalakna in  Special Project te siamin khum 100 awm theihna turin tuna Building hlui dinna ah hian sak tum a ni, a ti.

Pu H. Zothangliana chuan Damdawiin changtlung tak Lawngtlai District in a mamawh em em lai a Sorkar hotuten tihchangtlun nana hma an la chu lawmawm a tih thu sawiin, a thawktute pawh in daih lo viau mahse thahnem ngai taka an thawhna chu Pathian in mal a sawm nasa hle a ni a ti a, harsatna an thlente chu a hlawhtlin theih nan theihtawp chhuah a lo bawhzui a tum thu a sawi.

Parliamentary Secretary hi Dr. Lalchhuankimi, Medical Superintendent in lo dawngsawngin, damdawiin mamawh hrang hrang te a lo thlen a ani.

Tuna OPD Building sak mek hi a chhawng thum niin, zawhfel a ni tep tawh a, Hospital chawmzo tur khawp power  pe chhuak thei tur  nizung chakna hmanga siamchhuahna pawh hmanrua pawimawhte Lawngtlai ah dahfel vek ni tawh a ni.