Nimin khan Hachhek MLA Cup, 2013 Inter- Village Football Tournament Dt 9-16th April, 2013 chhunga neih chu Pu Lalrinmawia Ralte Parliamentary Secretary, Home etc bialtu MLA ni bawk chuan a hawnna hun a hmanpui.

He Tournament hawnna hun Pu Lalthantlinga Pachuau, Chairman Organising Board kaihhruaiah Pu Lalrinmawia Ralte chuan thu sawiin Hachhek MLA Cup, Inter-Village Football Tournament buatsaih a ni chu lawmawm a tih thu sawiin kan bial chhunga thalaite inhmelhriatna tha kan neih a tul a ni tiin chutiang atana remchang tak mai tlangdung huap football tournament buatsaih a ni chu a lawmawm takzet a ni, a ti a, a bial chhungah thalaite infiamna tur Playground pali siam that na tur in hmalak mek a nih thu sawiin thalai infiammi kalkhawm te infiamna rilru zau tak pu a in unauna tha siam turin a chah bawk. Pu Rinmawia chuan Hachhek tlangdung hi tun hma atang tawhin Football thiam kan ni a. Heng kan thiamna te hi chhawm nung zel tur leh thalai te ruihtheih thil laka fihlim tlat turin a chah bawk a ni.

He hunah hian Pu Sanglianmawia, Match Commissioner chuan Report a pe in He Tournament-ah hian Zawlnuam Zone leh Kawrthah Zone atangin infiammi Team 26 telin 1st Division leh 2nd Division ah then niin 1st Division team Champion te hian Rs 50000/- , Cup leh Certificate an dawng dawn a, 2nd Division team Champion te hian 35000/-, Cup leh Certificate an dawng dawn bawk a ni. He Tournament a Team tel zawng zawng semi-final thleng pha lo a tla te pawhin Rs 2000/- an dawng vek dawn bawk a ni.

Pu J. Malsawma, Vice Chairman, Organising Board kaihhruaina in tournament leh Tournament inkara Qualified Referee boral mi 2(pahnih) te sunna hun hman a ni a. Ralna thilpek bialtu MLA Pu Lalrinmawia Ralte, Parliamentary Secretary, Home etc in a hlan nghal a ni .

Pu Lalrinmawia Ralte hian Thuampui Khelmual panna kawng 100mtrs a thui leh khelmual sira vantlang inthiarna tur te nimin vek khan a hawng nghal bawk a ni.