Kelsih khaw mipui ten an Lo leh huan kalna hahdam taka an pawh theihnana siam NLUP Link road kms 7 tur chu kms 5 vel zawh fel a ni ta.

He Link road hian Kelsih khaw chhungkaw thahnem tak ten awlsam taka motor a an lo/huan pengte an thlen theihna tur a siam dawn a. He kawng hi Kelsih Kilen kawn atanga Tlawng lui thleng inkalpawhna tur a ni a. Oil Palm Nursery dinna tura ruahman mek pawh he kawnglaih hian a kaltlang a ni.

Khaw mipui tangrual, Kohhran, NGO leh VC te chuan Committee din in he kawng enkawlna atana hma latu tur an thlang chhuak a, political party hrang hrangte tawiawmna nen lungrual takin he kawng hi an tul pui a ni.

Kawng zawn hna leh a laihna pawh mipui tangrual in an mahni thiamna in an buaipui a, phur takin an tangkaipui em em tur kawng chu an buaipui a, Sorkar leh bialtu MLA chungah an lawmthu an sawi.