Vawiin khan Kolasib St. John’s Higher Secondary School Auditorium-ah Dy. Commissioner leh Deptt. thenkhat huaihawtin Multi Issue Awareness Campaign neih a ni a, Pi Lal Riliani, President, Indian Society on Tobacco & Health, Mizoram Chapter-in khuallian niin a hmanpui.
Thu sawiin Pi Lal Riliani chuan Hmarchhak mi te kan ram khawpui ah kan him lo a, zuamawmlo leh a invendan te kan zir angai a, ngawi renga tuar mai tur kan nilo, kan dikna kan hailan ve a hun tawh. Chumi tur chuan mithiam te sawma Kolasib District in inzirna tur a buatsaih chu lawmawm a tih thu a sawi a, khawvel hmasawnna in a ken tel internet office leh mimal tamtak in tangkai taka kan hman laiin a hnam anga mualphona thleng mek awm thin te chu siam that a hun tawh a ni, a ti. Social media kan hmanthiam a, a tha zawnga kan hman chuan hnam anga hmasawnna tur anih thu a sawi bawk.
Pi Lal Riliani chuan Zuk leh hmuam avang in sum tam tak kan sen laiin a nghawng thalo taksa a rawn lang chhuak enkawl dam nan kan sum neihin a tlinloh kan senral angai thin a, chumi avang chuan chhungkua in hma kan sawn theilo ani, a tlai hmaa kan inven a ngai ani ati bawk. Pi Lal Riliani hian Kolasib District Booklet Kolasib D.C buatsaih chu tlangzarhna a nei nghal a ni.
DC Pi Niharika Rai pawhin thu sawiin hmeichhe Officer ka ni a, ka hun tawn tawh ah tihduhdahna leh hmuhsitna te lo tawk tawh thin ka ni, hmeichhia te chu zam mailo a din ngam a ngai ani ati, Pi Raii chuan Mizoram ah Kut hnathawktu te sorkar in nasa takin a pui a, a taka hna thawh kan bat let ani tih hria in ding chhuak turin kut hnathawktu te a fuih bawk, chhiatna lo thleng thin chung chang ah Pathian rorelna kan hre lo amaherawh chu Disaster ah inven theh chin kan nei a fimkhur loh vanga chhiatna thleng thin chu "hawh u, i pumpelh tawh ang u" tiin kal khawmte a sawm a ni.
Multi Issue Awareness Campaign hi Pi Lallianpuii, DIPRO-in a kaihruai a. Tunlaia kan hriat tul ngawih ngawih hmeichhiate himna tur chungchang te, chhiattawh thulha chet lak dan leh fimkhurna thil leh thil tam tak inhrilh hriatna hun, DC, Kolasib buatsaiha neih a ni chu lawmawm a tih thu a sawi.
Subject thlan bik—Women safety, Anti Tobacco, AIDS awareness, Disaster Awareness, Banking leh Agriculture chungchangah mi thlanbik ten Slide projector hmangin a lem nen kalkhawm te zirtirna an nei a, kal khawm ten hlawkthlak an ti hle.
He hunah hian Christopher Lawlor, Lecturer, GKC, Pu C. Vanlalmawia, Principal DIET, Pu H. Lalduhsanga, Ist Cl. Magistrate, Pi Vanlalchhuangi, President, MHIP Sub Hqrs, Dr. Jane Ralte, State Nodal Officer, MSTH, Ms. Lalbiakdiki Hnamte, MSACS, Pu Vannunlawma, Lecturer, DIET, Pu MS Dawngkima, Addl. SP, Dr John Lalliandinga, Pu David Rodingliana leh Pu Danny Lalchhuanawma AEO, Agri ten thuchah an sawi a ni.
He hunah hian VC te, Loneitu, School naupangte leh MHIP member te an tel tha hle a, Kolasib S.P Madhur Verma te pawh he hun ah hian an tel a ni.
