Nimin khan Pu PL Thanga, Vice-Chairman, NLUP Implementing Board hovin Aizawl khawpui chhunga NLUP hnuaia Hair Cutting (Lumet) leh Broom Making (Hmunphiah Siam) thlangtute kohkhawm an ni.
He hunah hian Hair Cutting Beneficiaries ten an thawh tur ang an thawh loh bakah NLUP dawn hnua hmasawnna nei lo tarn tak an awm thu sawi a ni. Heng Beneficiaries hi a titha te chu 3rd Installment pekchhuah nghal ni se, a titha lo te chu 16th May, 2013 hma ngeiin hma la tura hriattir nghal an ni a, an hmalakna endik anih hunah an sum dawn tur hi pekchhuah leh an ni ang.
Tin, Broom Making thlangtute harsatna hrang hrang te uluk taka sawiho a ni bawk a. An harsatnate siamrem leh siamfel nghal theihte siamfel nghal a ni.
Tin, Trade ziah dik loh palh avanga hmunphiah chin thlang, hmunphiah siama dah palhte an lo awm a, siamthat nghal a ni bawk.
Hetih lai hian Hmunphiah siam hna Hnam Chhantu Pawl hmunpui, Republic Vengah uar takin an bei mup mup a, hengte hi state pawnah leh India ram pawn thlenga thawn chhuah tlak a buatsaih mek zel a ni.
