Pi Sangchhin Chinzah, District Magistrate leh Deputy Commissioner, Serchhip District chuan, a hnuaia ami ang hian Halpuah, Halmawi chi hrang hrang leh Silai lem mu nei chi reng reng kawl, zawrh, hman leh khapna thupek a chhuah - 

Krismas 2017 leh Kumthar 2018 a lo thleng leh dawn ta a. Hon’ble Home Minister, Govt. of Mizoram hova ni 26.10.2017 meeting chuan mihring hriselna atana thalo leh mi hliam palh thei, halpuah, halmawi leh naupang silai lem mu neite hi kawl, zawrh, lakluh leh hman khapna thupek chhuah nise tiin a rel a. 

Chuvangin, Kei, SANGCHHIN CHINZAH, MCS, DISTRICT MAGISTRATE, SERCHHIP DISTRICT chuan Section 144 Cr. PC leh 133 (b) Cr. Pc, 1973 (2 of 1974) in thuneihna min pek angin hetiang hian thupek ka chuah e. 

Serchhip District huam chhungah halpuah, halmawi chi hrang hrang leh naupang silai lem mu nei chi reng reng kawl, zawrh, hman leh lakluh khap tlat a ni. He thupek hian chhuah anih atanga thla 2 (hnih) chhung a huam ang, a zawm lote chu Section 188 IPC hmanga hrem an ni ang. 

He thupek hi Court Seal chhut hnanin vawiin ni 15.11.2017 hian hming ziak hnanin ka nemnghet e.