2996/2023-2024
Khawzawl, 11th December 2023: Khawzawl Sub-Divisional Magistrate Pi Lalhruaitluangi chuan hunpui chhunga boruak muanawm tak a awm theih CrPC Section 144,1973 (2 of 1974) in thuneihna a pek angin halpuah, halmawi, sky lantern, puak thei thil engpawh boruak tha lo leh ri bengchheng siam thei te, silai lem mu chhuak thei bakah ruihtheihthil chi hrang hrang khapna thupek a hnuaia mi ang hian a tichhuak.
Kum 2023 Krismas leh kum 2024 Kumthar chu kan lo thleng leh dawn ta a. He hunpui chunga Dan leh Hrai kenkawh a nih theihna tura he office lehkha no. F.16015/1/2020-DC(KZL) Dt.01.12.2023 leh Mizoram Sorkar Home Department lehkha No.D.32021/1/2014-HM (FIRE) Dt.28.11.2023 in a tarlan angin Khawzawl District huamchhunga mipuite kan him tlan zawk theihna tur leh kan hrisel zawk nan thupek chhuah tulin ka hria a.
Chuvangin kei, LALHRUAITLUANGI, SUB-DIVISIONAL MAGISTRATE, KHAWZAWL DISTRICT, KHAWZAWL hian Sec. 144 CrPC, 1973 (2 of 1974) in thuneihna min pek angin a hnuaia thupek hi ka chhuah e.
Khawzawl Sadar Sub division huam chungah Kum 2023 Krismas leh Kum2024 Kumthar vuakvetah:-
1. Halpuah, halmawi, sky lantern leh puakthei thil dang, borak tha lo siam thei leh ri bengchheng siam thei chi reng reng lakluh, zawrh, hrah, hal leh hman khap tlat a ni.
2. Naupang silai lem a mu hmang chi reng reng lakluh, zawrh leh hman khap tlat a ni.
3. Ruhhlo chi hrang hrang lakluh, zawrh leh hman khap tlat a ni.
He thupek hi Security Force, Paramilitary Force leh mipui mimir zawng zawngte tumah thlei bik awm lova zawm vek tura hriattir an ni.
He thupek hian thu leh awm ma chu puan a nih atanga thla hnih (2) chhung a huam ang. He thupek zawm lote chu IPC Section 188 hmanga hrem theih an ni ang. He thupek hi vawin December Ni 6, 2023 hian Sub-Divisional Magistrate seal-a nemnghetin ka hming ka ziah hnan e.
