3667/2024-2025

Khawzawl, dated 31st December 2024: Khawzawl DC Pu K. Vanlalthiana chuan halpuah leh halmawi chungchangah hetiang hian thuchhuah a siam.

"ORDER

Kum 2024 Krismas, Diwali leh kum 2025 Kumthar chu kan lo thleng leh dawn ta a. He hunpui chhunga Dan leh Hrai kenkawh a nih theihnan leh Khawzawl District huamchhunga mipuite kan him tlan zawk theihna tur leh kan hrisel zawk nan thupek chhuah tulin ka hria a.

Chuvangin kei, K. VANLALTHIANA, DISTRICT MAGISTRATE, KHAWZAWL DISTRICT, KHAWZAWL chuan Section 163 of Bhartiya Nagarik Suraksha Sangita (BNSS), 2023 in thuneihna min pek angin a hnuaia thupek hi ka chhuah e.

Khawzawl District chhungah Kum 2024 Krismas, Diwali leh Kum 2025 Kumthar vuakvetah:-

1. Halpuah, halmawi, sky lantern leh puakthei thil dang, boruak tha lo siam thei leh ri bengchheng siam thei chi reng reng lakluh, zawrh, hralh, hal leh hman khap tlat a ni.

2. Naupang silai lem a mu hmang chi reng reng lakluh, zawrh leh hman khap tlat a ni.

He thupek hi Security Force, Paramilitary Force leh mipui mimir zawng zawngte tumah thlei bik awm lova zawm vek tura hriattir an ni.

Superintendent of Police, Khawzawl District chu he thupek hi khauh taka kengkawh tura hriattir a ni. He thupek hi tih danglam a nih loh chuan thla hnih (2) chhung a huam ang.

He thupek zawm lote chu Section 223 of Bhartiya Nyaya Sanhita (BNS), 2023 hmanga hrem theih an ni ang.

He thupek hi vawiin December Ni 12, 2024 hian District Magistrate seal-a nemnghetin ka hming ka ziah hnan e."