3668/2024-2025

Dated Kolasib the 31st December, 2024 : Vawiin 31.12.2024 (Nilaini) khan Kolasib khawpui chhung leh, bazar hmun hrang hrangah te halpuah leh hetiang lam chi, Sorkar khap thil te vaiin enfiah a ni.

Kumhlui thlahna leh kumthar lawmnaah Sorkar khap, halpuah leh halmawi lam chi zawrh a awm em tih enfiahin Pu H.Lalramliana MCS, SDO (Sadar), Sub-Divisional Magistrate ni bawk hovin Police leh YMA Kumpuan Committee te chuan bazar leh hmun hrang hrang an dap kual a.  Sumdawng mi hrang hrang te pawh Sorkar khap thil a nih mai piah lamah, mihring tana tha lo a nih avangin heng thila inhnamhnawih lo hram hram turin an ngen pah bawk a ni.

Kolasib ah hian ni engemaw zat kal ta atang khan thuneitute, Police te leh YMA lamin heng, halpuah, hal mawi leh a mu kap chhuak thei silai ang chi te hi an lo dap tawh a, eng emaw zat an lo man tawh nghe nghe a ni.