Halpuah leh halmawi te hian nasa taka mihring hriselna a tihchhiat leh boruak a tih bawlhhlawh theih bakah, silai lem a mu nei chi ten mihring piansualna a thlen fo tak avangin, Lunglei mipuiten hrisel tha leh Krismas leh Kumthar hlim tlang tak leh thlamuang taka an hman theih nan Lunglei District Magistrate Pi Lalzarmawii IAS chuan Sec.144 of Cr P.C. 1973 (Act No.2 of 1974) in thuneihna a pek angin Lunglei District huamchhungah kum 2016 Krismas leh Kumthar 2017 vuakvet atan hetiang hian thupek a chhuah –

1. Halpuah, halmawi leh puak thei thil dang, boruak thalo siam thei leh ri bengchheng siam thei chi reng reng lak luh, zawrh, hralh, hal leh hman khap tlat a ni.

2. Naupang silai lem amu hmang chi reng reng zawrh leh hralh khap tlat a ni.

He thupek hi Security Force, Paramilitary Force leh mipui mimir zawng zawngte tumah thlei bik awm lova zawm vek tura hriattir an ni a, thu leh awm hma chu puan a nih atanga thla hnih chhung a huam ang.