Vawiin chawhma khan Lunglawn Mual ah Lunglei District Volleyball Association buatsaih in HPC Running Volleyball Tournament chu Khuallian Pu S.Laldingliana, Vice Chairman HPC Lunglei in a hawng.

Pu S.Laldingliana chuan Lunglei District Volleyball Association in HPC Running Volleyball Tournament hmasa ber an buatsaih theih avanga a lawm thu a sawi a. Sports lama Lunglei District-in hma a sawn theih nan discipline hrang hranga tournament te an lo buatsaih thu sawiin, infiamna hmanrua lei nan leh sports lama titha te tan lawmman pawisa fai pek an nih thin thu a sawi a ni. Khuallian chuan Lunglei District-in sports lama hma a sawn theih nan HPC kaltlanga nasa taka hmalakna ah infiammi ten lawm nachang hria a, heng hmalakna te hi chhawr tangkai tura a duh thu a sawi. HPC chu sports hmasawn nan engtiklai pawhin a inhawng reng a ni, a ti. SAI Extension Centre Electric Veng-a Vertical Extension thawh mek chu kumthar lama zawh hman beisei a nih thu a sawi bawk.

Khualzahawm Lunglei District Village Council Association President Pu Lalnunsanga pawhin Sports Association leh Village Council ten thawh hona tha nei in Inter Village Tournament te an buatsaih thin thu a sawi a, infiam mite hmasawn nan HPC hman tangkai a nih thin avangin lawmthu a sawi a ni.

HPC Running Volleyball Tournament hawnna inkhawm hi Pu Lalthakima, President, Lunglei District Volleyball Association in a kaihruai a, mipa team champion-in cheng 40,000 leh trophy leh hmeichhe team champion-in cheng 30,000 leh trophy an dawng dawn a ni. He tournament-ah hian mipa team 15, Lunglei khaw pawn atangin team 5 leh hmeichhia team 9, Lunglei khaw pawn atangin team 2 te an tel a ni.