Vawiin khan D.C Conference Hall, Mamitah Pu Rodney L. Ralte , IAS Electoral Roll Observer, Mamit District hovin Special Summary Revision of Electoral Roll, 2017 neih mek thlirin an thukhawm.

Vawiin thutkhawmah hian Pu Rodney L. Ralte Observer, Observer Mamit District chuan India ram chu inthlang ram kan ni a, inthlanna felfai leh thianghlim a awm theih nan Revision hna kalpui na kawnga theihtawp chhuah turin Elections officials te a chah a, vote neithar tur thunluh leh paih ngai paih kawngah te Political Party aiawh te leh NGO's aiawhte an pawimawh thu a sawi.

Special Summary Revision of Electoral Roll 2017 kalpui mekah hian hearing neih chhoh mek a ni a, vote nei tura luh dilna, paih leh siamthat, insawn dilna form hrang hrang hmanga dilna lut te meetingah hian thlir ho a ni.

Meeting-ah hian Mamit District chhunga ERO, Asst ERO, Political Party aiawh, tlawmngai pawl hrang hrang aiawhte an tel a ni. Meeting hi Pi H. Lalchhandami, Election Officer, SDO (S) in a kaihruaia, Pi Lalbiaksangi District Election Officer, District Bawrhsap in a telpui bawk.