Dr. Franklin Laltinkhuma, IAS, District Magistrate, Aizawl chuan thuchhuah siamin, Krismas leh Kumthar vuakveta halpuah leh halmawi chi hrang hrang hal chu a khap. 144 Cr.PC tlawhchhanin heng a hnuaia thupekte hi Aizawl District huamchhung a hman turin chhuah a ni:
1. Mi tumahin phailam emaw, hmundang emaw atangin halpuah leh halmawi, silai lem, a mu kap chhuak thei chi reng reng an la lut tur a nilo.
2. Krismas leh Kumthar vuakvetah mi tumahin halpuah leh halmawi an zuar/ hralh tur a ni hek lo.
3. Silai lem, a mu kap chhuak thei chi reng reng zawrh leh hralh khap tlat a ni.
He thupek hi a chhuah atanga thla hnih (2) chhung a huam ang a. Thupek zawmlo leh bawhchhia te chu dan angin an chungthu rel a ni ang.
