Lawngtlai District Deputy Commissioner, Pu J. Hmingthanmawia chuan a hnuai ami ang hian thupek a chhuah.
Halpuah leh Halmawite hian nasa takin mihring hriselna a ti chhe thei a, boruak a tih bawlhhlawh mai bakah bengchheng a siam a, tul lova sum khawhralna a nih avangin, Lawngtlai District mipuiten hriselna tha kan lo neih theih nan leh krismas leh kumthar hlim taka kan hman theih nan 144 Cr. Pc. tlawhchhan in khapna thupek chhuah a tul a hriat a ni.
Chuvangin kei, J. Hmingthanmawia, MCS, Deputy Commissioner & District Magistrate, Lawngtlai District, Lawngtlai chuan Cr. Pc. Section 144 pc 1973 (Act 11of 1974) in thuneihna min pek angin hetiang hian thupek ka chhuah e.
Lawngtlai District huam chhungah kum 2015 krismas leh kum 2016 kumthar vuakvetah halpuah, halmawi leh puakthei thildang, boruak thalo siam thei leh ri bengchheng siam thei chi silai lem (toys Gun with pallets) a mu kapchhuak thei chi reng reng lakluh, zawrh, kawl, hal leh hman khap tlat a ni a, he thupek zawmlo leh pawisa lo te chu dan angin an chungah action lak a ni ang.
He thupek hian chhuah a nih atanga thla 2(hnih) chhung a huam ang.
He thupek zawmlo te chu Section 188 IPC hmanga hrem an ni ang.
He thupek hi vawiin 13/11/2015 hian Court Seal a nemnghetin hming ka ziah hnan e.
