3125/2022-2023
Lunglei District chhunga Halpuah, Halmawi leh Silai (a mu kap chhuak thei) chungchangah Pu Donny Lalruatsanga, District Magistrate, Lunglei District chuang ahnuai a mi ang hian thu chhuah a siam.

Hunpui kan hman thin Krismas leh Kumthar kan lo thleng leh dawn ta a. He hun hi Lunglei District mipuite'n dam leh hlim taka kan hman theuh theihna'n boruak thianghlim lo leh bengchheng siam thei halmawi leh halpuahte, kangmei chhuah palh thei Sky Lantern-te, mihring leh thildang tan a in hliam phah theih silai lem (a mu kap chhuak thei chi) te hi khap ngei tulin ka hria a.

Chuvangin, DONNY LALRUATSANGA, DISTRICT MAGISTRATE, LUNGLEI DISTRICT hian Section 144 of CrPC 1973 (2 of 1974) in thuneihna a pek angin a hnuaia a mi ang hian thupek a chhuah e-

Lunglei District chhungah halpuah, halmawi, sky lantern leh silai lem (a mu kap chhuak thel chi) te lak luh, zawrh leh hal, hralh leh hman khap tlat a ni.

He thupek bawhchhia chu IPC Section 188 hnuaiah hrem theih a ni ang. Thupek hi tihtawi a nih loh chuan, puan a nih atanga thla hnih (2 months) chhung hman tur a ni ang.

He thupek hi vawiin Dt. 19th December, 2022 hian Court Seal chhuin hming a ziah hnan e.