3124/2022-2023
African Swine Fever (ASF) hrileng chungchangah Lunglei Dc chuan a hnuaia mi ang hian thuchhuah thar a siam.
Government of Mizoram, Disaster Management & Rehabilitation Department Order No.B.11015/5/2020-DMR dt 2.12.2022 a tihchhuah angin leh, Mizoram hmun hrang hrangah Vawk pul hri, African Swine Fever (ASF) leng chuan ziaawm lam a pan chhoh tak zel avang leh hunpui lo thleng turah mipui ten harsatna kan tawhte chhawk zangkhai a nih theih nan Lunglei District chhunga ASF avanga inkhuahkhirhna hman mekte tihdanglamna thupek chhuah a tul a.
Chuvangin DONNY LALRUATSANGA, DISTRICT MAGISTRATE, LUNGLEI DISTRICT chuan Section 144 of CrPC 1973 (2 of 1974) in thuneihna a pek angin a hnuaia a mi ang hian thupek a chhuah e:-
1. Lunglei District huamchhungah ASF hrilen lohna khua/ vengte inkarah Vawk leh Vawksa inlak
tawn theih a ni.
2. ASF hri len lohna District dang atangin Vawk leh Vawksa lakluh theih a ni.
3. ASF hri avanga Infected Area-a puan tawh naah ASF avanga Vawk thi thla 1(khat) chhung a
awm tawh loh chuan Vawk talh leh a sa zawrh phal a ni ang.
4. ASF avanga Vawk thite awmna in/hmun/Farm ngun taka disinfectant hmanga tihdan tur anga.
tihfai tawhna hmun chu thla 3(thum) a ral,hnuah Vawk dah luh theih a ni.
5. Vawk tana hri hlauhawm a len mai loh nan vantlang hman lai kawng leh ram hrulah Vawk talh
Ieh sawngbawl phal a ni lo.
6. Chhan leh vang hriat loh avanga Vawk thi reng reng VC/YMA kaltlangin AH & Vety.
Department hotute hnenah thlen hriattir vat thin tur a ni. Chutianga thi reng reng chu paih mai lovin chinai nen thuk taka phum tur a ni.
