Vawiin khan Ministry Of Labour & Employment hnuaia awm, Employeess's State Insurance Corporation(ESIC), Camp Office Office, Aizawl chuan I&PR Auditorium ah ESI Scheme hnuaia hamthatna leh hlawkna awmte zirhona a buatsaih a. He hunah hian Pu Benjamina, Commissioner &  Secretary , LE&IT chu khuallian niin hamthatna dawng tura hnathawktute  leh anmahni chhawrtute ESI Scheme a inziahluh dan inkawhhmuh nghal a ni.

Pu Benjamina, Commissioner &  Secretary , LE&IT Mizo mipui ten sawrkar hnuaiah kherlo eizawnna huang dang ah te hnathawktute tan sawrkar in  hamthatna a siam sak tih kan hriata kan ngaihven a pawimawh a ti a. Damdawiin, school, factory leh eng hnathawhna hmunah pawh hnathawktu te tana hamthatna tur sawrkarin a buatsaih te chu Minimum Wages Act, Employees' Provident Fund(EPF) leh ESI Scheme hmanga dawn leh hmuh theih a nih thu a sawi a. Hnathawktute tana hamthatna haihchhuah leh zawnchhuah kawngah  mipuite kan inhrilhhriata kan in bengvarsak tawn theuh a ngai tawh a ni a ti.

Seminar for publicity/awareness programme on " Scheme for Promoting Registration of Employers and Employees(SPREE)"  hi Pu David Lalfakzuala, Assistant Director, ESIC, Camp Office, Aizawl in a kaihruai a. He hunah hian ESI Scheme hnuaia  hamthatna hrang hrang : Medical Benefit, Sickness Benefit, Maternity Benefit, Disablement Benefit, Dependants' Benefit, Confinement Expenses, Old Age Medical Care, Unemployment Allowance, Vocational Training fee, Physical Rehabilitation assistance leh Funeral Expenses zirchian a ni a.

ESI hnuaia hamthatna te hi thlakhata Cheng 15,000/- leh a aia tlem hlawhte tan dawn theih a ni a; sumdawng leh hnathawhna hmuna mi 10 emaw a aia tam hnathawka chhawrtute chuan ESI Scheme ah hian kumin March 31 a ral hma ngeia inziaklut tura hriattir leh ngen an ni a. ESI Scheme chungchang hriatchian tumtan ESI Office ah zawh theih a ni a; website : www.esic.nic.in/www.esic.in ah te pawh en theih a ni.