Vawiin khan SP Conference hall Mamit ah, Pu PC.Lalchunglura, Addl.SP Mamit in , Mamit District Police Officer te tana ni hnih awh tur "Preparatory Training for OC of Police Station’’ buatsaih chu a hawng.

Pu PC.Lalchunglura chuan thusawiin, Police Officer te chu, kan hna te tha tak leh uluk taka kan thawh theihna tur leh Investigation te tha taka kan tih theih nan hriselna kawnga invawng thianghlim a, fit tak a awm reng tur in a chah a, tunlai khawvel changkang zelah inzir thar zel kan ngai a, thiam tawh tih a awm theilo, Thiamna a san ang zelin misualte pawh an lo changkang chho zel a, chuvangin training tha tak neih chhoh zel a ngai a ni, a ti. Police Officer training te chu hlawk taka training hi nei turin a chah bawk a ni.

Vawiin training hawnna hi Pu.F.Lalthlamuana SDPO Mamit in a kaihruai a, Pu PC.Lalchunglura Addl.SP Mamit leh Pu F.Lalthlamuana SDPO, Mamit ten zirtirna hun hi an hmang a, he training ah hian Mamit District Hqrs a Police Officer leh staff 12 an tel a, training hian ni hnih a awh dawn a ni.