Vawiin khan Ministry of Textile leh Mizoram Apex Handloom and Handicarft Co-oporartive Society Ltd (MAHCO)te buatsaihin Handloom Fair, Siamliana Hall Mamit ah buatsaih a ni a, Pu K. Lalthawmmawia District Bawrhsap chu khuallian niin he hun hi a hawng.
Hawnna hun Pu K. Rothawmliana, Manager MAHCO kaihhruaiah thusawiin khuallian Pu K. Lalthawmmawia chuan Ministry of Textile leh MAHCO te’n Mizo kutchhuak puan leh thil chi hrang hrang te man tlawm zawka mipui ten kan lei theihna tura District chhunga Handloom Fair buatsaih a ni chu a lawmawm a tih thu sawiin, MAHCO kaltlanga Mizo tena kan thiam thil leh kan tharchhuah ve te phochhuah an ni thin chu hmasawnna ropui tak a ni, a ti. Mizo Puantahtu te chu hnam dangte pawhin mizo puantah ngei an ngaihhlut theihna tura an puan leh thil dang an siam chhuah te mawi leh tha zawka duangchhuak zel thei tura tan la sauh sauh turin a fuih bawk.
Pu K. Rothawmliana Manager, MAHCO in Handloom Fair buatsaih a nih dan leh an hmalakna te sawiin MAHCO hi kum 1977 ah din niin tun dinhmunah Mizoram hmun hrang hrangah member 165 an awm a ni.
He Handloom Fair ah hian Aizawl,Thenzawl, Champhai leh Mamit atangin dawr 17 hawn a ni a, He handloom Fair hian September 5 thleng mipui dawr theihin an in hawng dawn a ni.
