1253/2023-2024
Lunglei; the 24th July;2023: Lunglei - Tlabung Road (NH-302) chu Lirthei tana zawh ngam loh tur khawpa a chhiat tawh avangin, Maxi-Cab owners' Association( Lunglei Thlang Joint Maxicab Services) te chuan vawiin(24/07/2023) atangin tiamchin awmlova an Maxicab te tlantir tawh loh an tum bakah, Passengers phurchi ni lo lirthei dang te pawh an hmalakna thlawp ve turin an sawm a.
Hetiang a nih avang hian District Magistrate leh Chairman DDMA,Lunglei district ni bawk Pi Ramdinliani IAS chuan NHIDCL aiawh te leh contractor te chu meeting neihpui nghal vatin, kawng chhe lai te chu rang taka siamtha turin contractor te thu a pe a.
Contractor ten dipdaltu nei loh leh rang taka kawngpui(NH-302) siamthat hna an thawh thei nan leh Lirthei ten an zawh leh vat theih nan, Disaster Management Act,2005, hnuaia Sec 34 (a),(b) leh (m) in thuneihna a pek angin, Pi Ramdinliani IAS, District Magistrate leh Chairman,DDMA,Lunglei district ni bawk chuan a hnuaia a mi ang hian thupek a chhuah:-
(a) Hauruang leh Tlanbung inkar kawngpui (NH-302) chu tahrik ni 26/07/2023 zing dar 6:00Am atanga tahrik ni 28/07/2023 zing dar 6:00Am thleng khar a ni ang.
(b) Medical Emergency duty,Election related duty, Disaster related duty leh Law & Order duty te (special detailment order emaw referral letter emaw keng/pai thlap te) chu kawngpui( NH-302) khar lai pawhin zawh phalsak an ni ang.
(c) Contractor BRN Infrastructure Pvt.Ltd chuan tahrik ni 28/07/2023 zing dar 6:00Am atanga Lirthei eng chi pawhin an zawh theih turin kawngpui hi a siam tha hman tur a ni.
