1252/2023-2024

Aizawl, 24th July 2023: Vawiin khan Aizawl District Skill Committee, chu Chairman Dr. Lalhriatzuali Ralte kaihruaina hnuaiah  DC Conference Hall-ah an thukhawm. 

District Skill Development Plan (DSDP) 2023-2024 chungchangah Akshaya Jalasteen, MGNF Fellow in presentation a pe a. Hemi hnuah hian hmachhawp hrang hrang meeting- ah hian sawiho a ni. 

He sawihonaah hian Mizo ten a mahni thilsiam chhuah handicrafts lam emaw, ei theih thil emaw online portal a man chawi lova an zawrh chhuah theihna tur HCL my E-haat nena agreement siamna na tur te,  awlsam taka an bungraw siam an zawrh chhuah theih nan a an in register theih dan tur te ngaihtuah ho a ni.

Tunlaia thiamna leh technology sang zelah leh Science and Technology lama college leh school zirlaiten hma nasa taka kan sawn theih nan Space Laboratory North East a nei thei hmasa ber kan nih theih nan Vyomkika Aerospace nen a Memorandum of Understanding siam dan tur te pawh ngaihtuah ho a ni.

Hemi bakah hian skill development lama hmalakna IBM Skillsbuild School leh College Chapter Phase-2 kalpui leh dan tur leh hmalak dan tur pawh sawiho a ni.

He meeting-ah hian invitee Pi Angela Zothanpuii, Director LESDE Department, Pu Laltanpuia, Joint Director Higher and Technical Education, Pu H. Lalsawmliana, CSO, Directorate of Science and Technology te pawh an tel a ni.