1251/2023-2024

New Delhi, 24th July, 2023 : Vawiin Lok Sabha ṭhutkhawmna a Manipur chungchang sawihona hun siam tura Adjournment Motion putluh tuma Speaker hnena Notice petu Lok Sabha Member Pu C Lalrosanga chuan Parliament Fur ṭhutkhawm ni thumnaah pawh ṭhutkhawm hleithei lovin house adjourn zel nimahse Manipura buaina thleng chungchang hi sawichhuah a la tum zel tho tih a sawi.

Rule 56 dan anga adjournment motion putluh tumtu Pu C Lalrosanga chuan sawrkar lamin Manipur buai chungchang hi sawiho kan remti reng ti mah se eptu lamte nen sawiho an duhdan a inrem thei si lo a. Prime Minister ngeiin house chhungah Manipur chungchang hi sawi rawh se ti a an phut tlat bawk si avangin vawiin lamah pawh eptu lamten house rorelna kal hleithei loin an siam a. Thawhlehni chawhma dar 11 thleng house ṭhutkhawmna an titawp leh ta a ni a ti.      

Manipur buai chungchang sawiho tura adjournment motion hi MP dangte pawhin putluh tumin Notice pe ve tho mah se pawm a ni ta lo a. NDA member zingah Mizoram MP te pahnih bak adjournment notice pe an awm hriat a ni lo.