3835/2022-2023

Dated Aizawl the 14th March 2023 : Vawiin khan Health and Family Welfare Minister Pu Dr R Lalthangliana chuan UNAIDS, UNICEF leh stakeholders hrang hrang te kalkhawmna Multi Sectoral Stakeholders Consultation on HIV /AIDS in Mizoram Meeting, Secretariat Conference Hall a neih chu a kaihruai.

He meeting ah hian Health Minister Dr R Lalthangliana chuan thu sawiin UNAIDS, UNICEF leh organization dang hruaitute lo kalkhawm hnenah chuan AIDS dona kawnga an hmalakna ah lawmthu a hrilh a. HIV-in Mizote, a bik takin thalaite a suat nasa a, India ramah pawh a percentage-a AIDS vei tamna ram kan nih avangin theihtawp a kan do a pawimawh a ni, a ti. He natna do tur hian Department pakhat hmalakna a thawh zawh rual ani lova, chuvang chuan tan khawm a pawimawh a ni, a ti. Kohhran, NGO leh Department hrang hrang atanga lo kal khawm te chu Covid do lai a thawhhona a awm ang khan he HIV do tur hian theihtawp chhuah ho leh tur in a ngen a ni.

He meeting ah hian ram pawn atangin David Bridger, Country Director, UNAIDS, Melissa Nyendak, Program Director CDC, Luigi D Aquino, UNICEF Chief of Health leh an team members te anlo kal a, Mizoram atangin Health Department hruaitute, Concerned Departments hruaitute, MSACS hruaitute leh Kohhran leh NGO hruaitute leh sawm bik mi pawimawh te an tel bawk a ni.

He meeting a ram pawn lam atanga UNAIDS, CDC leh UNICEF aiawh lo tel te chuan Sustainable Development Goals in a 2030 a AIDS umbo a tum na chu ngawrh zawk a kalpui a tul thu sawiin pawl hrang hrang atanga kalkhawmte chu thawhpui tur in an sawm ani.

MSACS atang Project Director Dr Lalthlengliani'n report pe in Mizoram ah AIDS vei dan hlawm lian deuh deuh chi hnih a awm a, chungte chu mipat hmeichhiat hman khawlohna leh ruihtheihthil ti mi ten hriau thianghlim lo an in hmantawm atanga kai ani a ti a. AIDS vei tam ber chu kum 25-34 inkar ani a, kum 35-49 in a dawt a ni, a ti. Tunah hian AIDS do na kawnga pawimawh tak NACP5 chu kalpui niiin, a tam thei ang ber a kohhran, NGO leh sawrkar department te thawhpui tum a ni a ti.

Pawl hrang hrang atanga lo kalkhawmte chuan meeting hmasa zawk a thil rel chi hrang hrang te chu an theih ang tawk in an lo bawhzui a ni tih sawiin a tul ang zel a thawk ho tur a an inpeih thu an sawi bawk.

Vawiin a meeting hi Dr Udhay Bhanu Das, NACO director in Video conference hmangin a tel pui bawk ani.