Vawiin khan Health Directorate Conference Hall, Dinthar-ah Health Minister Pu Lalrinliana Sailo hovin Health Department programme hrang hranga hmalak tawhna leh hmalak zel dan tur te sawihona neih ani a, he hunah hian Mizorama Health Department hotu hrang hrang te an tel kim hle.

Programme hrang hranga Officer kal khawm te hmaah thu sawiin Health Minister chuan Record vawn that tul a tih thu te, dik taka record pe thin tura a duh thu leh rinawmna nen a taima taka hna kan thawh reng a tul thu  sawi a. Zoram mipuiten hriselna tha an neih ngei theih nan Village Health Community atanga bul tan that a pawimawh a ni a ti bawk. Infant Mortality-ah pawh tan lak a, tha taka hna an thawh phawt chuan Mizoram chu India ramah a ti tha ber a ni thei a ni tih sawiin, theihtawp chhuah a, mahni chan theuh programme kan enkawl a ngai ani ati. Department Work chi reng reng ah Programme Officer tin te chu mahni hna ani tih hria a mawhphurhna mahni ko ah nghat tlat thin turin a chah bawk. Health Minister hian Health Department in hma alo sawn zawk theih nan leh tun aia tha zawk leh kalphung tha zawk ni a a hriat te rawtna hrang hrang engemawzat a tarlang tel bawk.

Principal Secretary,Health, Pu Lalsawta pawhin thusawiin, he Department ah hian mithar mai la nimahse, chhungkaw hung leh lian tak, hnathawhna nuam tak ni a a hriat thusawiin, thawhhona tha tak kan neih phawt chuan hmasawnna duhawm tak kan nei theih ngei ang a ti a, Health Department hnuaiah hian programme chi hrang hrang a tam em em a, heng programme hrang hrang a thawktu te hian tih takzet a hna kan thawh a, mahni programme bik a inla bing bik mai lova hna kan thawh tlan phawt chuan hmasawnna duhawm tak kan nei ngei dawn ani ati bawk.

He hunah hian Chief Medical Officer leh Programmes Officer hrang hrang hrang te'n an hmalak te power point hmangin an entir ani.