Vawiin chawhnu khan Sachin Pilot, Sawrkar laipuia Minister of State for Communications and Information Technology chuan zankhat riak turin  Aizawl a rawn thleng. Minister hian chawhnu dar 2:15 khan Kingfisher thlawhtheihnain Lengpuiah a rawh tum a, Lengpuiah hian Pu Lalsawta, Education Minister, Pu Zodintluanga I&PR Minister leh Pu H.Zothangliana Parliamentary Secretary ten an lo hmuak a ni.

Minister hi Raj Bhavan-ah thlengin vawiin tlai dar 4:15 khan I&PR Auditorium ah Mizorama BSNL, Dak In (Postal) leh National Informatic Centre hotute nen inkawmna hun an hmang a, Raj Bhavanah riakin ruahman lawkna ah chuan naktuk chawhma dar 10 hian Thuampuia WLL MSC (Wireless in Local Loop Mobile Switching Centre) chu a hawng ang a, dar 11 ah I&PR Auditoriumah thuthar lakhawmtute kawmin EVDO Demo leh Mizorama WiMax Service a tlangzarh nghal ang a, chawhnu dar 3 ah Kolkata panin Aizawl a chhuahsan ang.

Attachment

  • Loading attachment...