NLUP Workshop ni hnihna chu vawiin chawhma dar 10:00 khan Saikuti Hall, Lungleiah neih chhunzawm a ni. He Workshop hi Pu K. Lalhmingthanga MCS in a kaihruai a. Pu P.L. Thanga IAS (Rtd.) Vice Chairman, NLUP Implementing Board-in opening remarks a sawi.
Pu P.L. Thanga chuan he NLUP proramme hi a hlawhtin ngei kan duh avangin khawtin mipui ngaih dan, an trade thlan chungchangah te, an harsatna te leh a hlawhtin ngeina tura thil hrang hrang sawiho turin Lunglei district constituency tinte chu group 7 ah thenin technical mite kaihhruaina hnuaiah group discussion neih tir an ni a ti. Hemi hnu hian NLUP Line department a technical lama mithiam ten sawifiahna minute 20 theuh an nei a, chung department te chu : Fishery, Environment & Forest, AH & Vety, Agriculture, Soil & Water Conservation, Sericulture, Industries leh Horticulture te an ni.