Mizoram Chief Minister Pu Lal Thanhawla chuan firfiaka chetna do turin mipui tam zawk kan inhnamhnawih a tul a ni, a ti. He thu hi vawiin a Chief Ministers’ Conference, New Delhi a neiha a sawi a ni.

Chief Minister chuan firfiaka che te hian ram venhim hna te, boruak muanawm te leh ram hmasawnna hna thawhna te a tih derthawn thin thu te he conference ah hian a tarlang a. Central sorkarin firfiaka chetna  dolet kawnga hmalakna a neih te  chu tha a tih rualin, mipui tam zawk inhnamhnawih theih nise a duhthu a sawi a. Mipui ten pipu hun atanga an lo tih tawh thinte chu enthlak nan te leh thuruk lakkhawm nante hmang thei ila a ti a.Hengte hi dan leh thupek kenkawhna lamah pawh a puitu a ni thei a ni a ti. Pu Hawla chuan Union Home Ministry in abik taka state police te tan special training buatsaih sak turin ruahmanna siam se a duh thu a sawi a. Union Home Ministerin firfiaka chetna dolet nana rawtna alo siam tawh bawhzui anih dan te Chief Minister hian a sawi bawk a. Pu Lal Thanhawla chuan central sorkar in state policete chawikan nan ralthuam tunlai ber chi a thuam turin central sorkar chu a ngen bawk a ni.