No.255/2020-2021

Health & Family Welfare Department chuan thuchhuah siamin pawl leh mimal tlawmngai te’n COVID-19 hripui leng mek dona atana tangkai leh pawimawh tak kut tihfaina “hand sanitiser” an siam chhuak thin chu lawmawm an tih thu an tarlang a. Hetih rual hian fimkhur a ngaih thu tarlang telin, hand sanitiser siam chawp te hi quality țha leh sorkarin tehfung (standard) a siamte tling ngei tur an nih avangin, hand sanitiser an siam chhuah quality țhat leh țhat loh hriat nan - Food and Drug Testing Laboratory, Central Medical Store, Zemabawk ah emaw RIPANS, Zemabawk ah emaw a sample test tir țhin turin an ngen a ni.